சிசுவின் சடலம் மீட்பு: தாய் கைது

(அப்துல் சலாம் யாசீன்)

திருகோணமலை மொரெவவ பொலிஸ் பிரிவுக்குட்பட்ட ரொட்டவெவ  முஸ்லிம் மையவாடியிலிருந்து நேற்று சனிக்கிழமை இரவு சிசுவின் சடலமொன்றை பொலிஸார் கண்டெடுத்துள்ளனர்.

பிரதேசவாசிகளால் பொலிஸாருக்கு வழங்கப்பட்ட தகவலையடுத்தே சடலம் மீட்கப்பட்டுள்ளது.

மொரெவவ பொலிஸார் சந்தேகத்தின் பேரில் குறித்த சிசுவின் தாயை கைது செய்து மேலதிக சிகிச்சைகளுக்காக பொலிஸ் பாதுகாப்புடன் திருகோணமலை பொது வைத்தியசாலையில் அனுமதிக்கப்பட்டுள்ளார்.

குறித்த சிசுவின் பிரேத பரிசோதனை திருகோணமலை நீதவான் சதீஸ்கரன் முன்னிலையில் இன்று ஞாயிற்றுக்கிழமை மேற்கொள்ளப்பட்டது.

சம்பவம் தொடர்பான மேலதிக விசாரணைகளை மொரெவவ பொலிஸார் மேற்கொண்டு வருகின்றனர்.