தம்பலகாமம் - கிண்ணியா பிரதான வீதியில் ஆர்ப்பாட்டம்

(எம்.பரீட், எஸ்.எஸ்.குமார்))

தம்பலகாமம் கிண்ணியா பிரதான வீதியிலுள்ள கோவிலுக்கு முன்னால் தம்பலகாமம் பிரதேச மக்கள் இன்று செவ்வாய்கிழமை வீதி மறியல் போராட்டத்தில் ஈடுபட்டனர்.

வீதி அபிவிருத்தி அதிகார சபையினால் கிரவல் இட்டு செப்பணிடப்பட்ட தம்பலகாமம் கிண்ணியா பிரதான வீதி  தற்போதைய காலநிலை காரணமாக கடும் காற்று வீசுவதனால் இக்கிரவலிருந்து வீசப்படுகின்ற தூசி அங்குள்ள வீடுகளுக்கும் மற்றும்
உணவுச்சாலைகளுக்கும் பெரும் பாதிப்பை ஏற்படுத்துவதனை கண்டித்தே பிரதேச மக்கள் ஆர்ப்பாட்டத்தில் ஈடுபட்டனர்.

இதனால் தம்பலகாமம் கந்தளாய் போன்ற பிரதேசங்களுக்கு தொழில் நிமித்தம் சென்ற உத்தியோகத்தர்கள் 3 மணி நேரம் தாமதமாக செல்ல வேண்டிய நிலை ஏற்ப்பட்டது.