காலியைப் புகழ்ந்தார் கோலி

இலங்கையின் காலி கடற்கடையின் அழகை, இந்திய  கிரிக்கெட் அணியின் விராத் கோலி, தனது டுவிட்டர் பக்கத்தில் புகழ்ந்துள்ளார்.

காலி கடற்கரையில் இருந்து, தான் எடுத்துக் கொண்ட புகைப்படம் ஒன்றைத் தனது டுவிட்டர் பக்கத்தில் பதிவிட்டு, “இவ்வாறான சூழலில் நான் தினமும் நித்திரையிலிருந்து எழக் கிடைத்தால்...” எனக் குறிப்பிட்டுள்ளார்.

காலி நகரம் தொடர்பில் கோலி வெளியிட்டுள்ள டுவிட்டர் பதிவு, சர்வதேச கிரிக்கெட் இரசிகர்களுக்கு மத்தியில் பிரபல்யமடைந்துள்ளது.

கோலியின் குறித்த டுவிட்டர் பதிவால், இலங்கை சுற்றுலாத் துறைக்கு சாதகமான தன்மையை ஏற்படுத்தும் என எதிர்பார்க்கப்படுகின்றது.

கிரிக்கெட் சுற்றுப் பயணம் மேற்கொண்டுள்ள இந்திய அணி, இலங்கை வந்துள்ளது.

காலி சர்வதேச கிரிக்கெட் மைதானத்தில் நடைபெற்று வரும் முதலாவது டெஸ்ட் போட்டியில், இந்திய அணி விளையாடி வருகிறது.