18 வயதான அமெரிக்க யுவதி , உலக அழகு ராணியாகத் தெரிவு

2010 ஆம் ஆண்டின் உலக அழகு ராணியாக (மிஸ் வேர்ல்ட்) அமெரிக்காவைச் சேர்ந்த 18 வயதான அலெக்ஸாண்ட்ரியா மில்ஸ் தெரிவு செய்யப்பட்டுள்ளார்.

சீனாவின் சான்யா நகரில் சற்றுமுன் முடிவுற்ற 'மிஸ் வேர்ல்ட் 2010 ' போட்டியில் 115 பேர் பங்குபற்றினர். இதில் அலெக்ஸாண்ட்ரியா மில்ஸ் அழகுராணியாக தெரிவானார்.

கடந்த வருடம் உலக அழகுராணியாகத் தெரிவான ஜிப்ரால்டரை சேர்ந்த கெயான் அல்டோரினோ, மில்ஸுக்கு கிரீடத்தை அணிவித்தார்.

60 ஆவது வருடமாக மிஸ்வேர்ல்ட் போட்டி நடைபெற்றமை குறிப்பிடத்தக்கது. இப்போட்டியில் பொட்ஸ்வானாவைச் சேர்ந்த எம்மா வாரயெஸ் இரண்டாமிடத்தையும் வெனிசூலாவைச் சேர்ந்த அட்ரியானா வஸினி மூன்றாமிடத்தையும் பெற்றனர். (AFP)