நியூசிலாந்து வெற்றி

ஹராரேயில் இடம்பெற்ற இப்போட்டியில், முதலில் துடுப்பெடுத்தாடத் தீர்மானித்த சிம்பாப்வே, ஒரு கட்டத்தில் 8 விக்கெட்டுகளை இழந்து 146 ஓட்டங்களுடன் காணப்பட்ட போதிலும், இறுதியில் 50 ஓவர்களில் 9 விக்கெட்டுகளை இழந்து 235 ஓட்டங்களைப் பெற்றது.

துடுப்பாட்டத்தில் சீகன்டர் ராஜா ஆட்டமிழக்காமல் 100, சமு சிபாபா 42, டினாஷே பனியங்காரா 33 என ஓட்டங்களைப் பெற, பந்துவீச்சில் இஷ் சோதி 3, கிரான்ற் எலியட் 2, மிற்சல் மக்லநகன், நேதன் மக்கலம் தலா ஒன்று என விக்கெட்டுகளைக் கைப்பற்றினர்.

236 ஓட்டங்களை வெற்றி இலக்காகக் கொண்டு துடுப்பெடுத்தாடிய நியூசிலாந்து அணி, 42.2 ஓவர்களில் விக்கெட் எதனையும் இழக்காமல் வெற்றி இலக்கை அடைந்தது.

துடுப்பாட்டத்தில் மார்ட்டின் கப்டில் 116, டொம் லதம் 110 என ஆட்டமிழக்காத ஓட்டங்களைப் பெற்றதோடு, இருவருமே இப்போட்டியின் நாயகர்களாகத் தெரிவாகினர்.

3 போட்டிகள் கொண்ட இத்தொடரில், இரு அணிகளும் தலா ஒரு போட்டியில் வெற்றுள்ளமை குறிப்பிடத்தக்கது.