2021 மார்ச் 02, செவ்வாய்க்கிழமை

ஜுவென்டஸை வென்றது இன்டர் மிலன்

Shanmugan Murugavel   / 2021 ஜனவரி 18 , பி.ப. 02:26 - 0     - {{hitsCtrl.values.hits}}

 

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், இன்டர் மிலனின் மைதானத்தில் இன்று அதிகாலை நடைபெற்ற அவ்வணியுடனான போட்டியில் 0-2 என்ற கோல் கணக்கில் நடப்புச் சம்பியன்களான ஜுவென்டஸ் தோற்றது.

இன்டர் மிலன் சார்பாக, அர்துரோ விடால், நிக்கொலோ பரெல்லா ஆகியோர் தலா ஒவ்வொரு கோலைப் பெற்றனர்.

இதேவேளை, அத்லாண்டாவின் மைதானத்தில் நேற்றிரவு நடைபெற்ற அவ்வணிக்கும், ஜெனோவாவுக்குமிடையிலான போட்டியானது 0-0 என்ற கோல் கணக்கில் சமநிலையில் முடிவடைந்தது.

இப்போட்டிகள் முடிவில் சீரி ஏ புள்ளிகள் பட்டியலில் 40 புள்ளிகளுடன் முதலாமிடத்தில் ஏ.சி மிலன் காணப்படுகின்றது. இன்டர் மிலனும் 40 புள்ளிகளைப் பெற்றுள்ளபோதும் கோலெண்ணிக்கை அடிப்படையில் இரண்டாமிடத்திலுள்ளது. தவிர, ஏ.சி மிலனை விட ஒரு போட்டி அதிகமாக விளையாடியுள்ளது.


  Comments - 0


அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .