ஸவ்ரேவ்வை வென்று அரையிறுதியில் ஜோக்கோவிச்

பிரித்தானியத் தலைநகர் இலண்டனில் நடைபெற்றுவரும் தொழில்முறை டென்னிஸ் வீரர்கள் சங்க இறுதிப் போட்டிகள் தொடரின் அரையிறுதிப் போட்டிக்கு உலகின் முதல்நிலை வீரரான நொவக் ஜோக்கோவிச் தகுதிபெற்றுள்ளார்.

நேற்று நடைபெற்ற உலகின் ஏழாம் நிலை வீரரான ஜேர்மனியின் அலெக்ஸான்டர் ஸவ்ரேவ்வுடனான போட்டியில் 6-3, 7-6 (7-4) என்ற நேர் செட்களில் வென்றே சேர்பியாவின் ஜோக்கோவிச் அரையிறுதிப் போட்டிக்குத் தகுதிபெற்றார்.

இதேவேளை, இன்று அதிகாலை நடைபெற்ற உலகின் ஒன்பதாம்நிலை வீரரான டியகோ ஸ்வார்ட்ஸ்மானுடனான போட்டியில் 6-3, 6-3 என்ற நேர் செட்களில் உலகின் நான்காம் நிலை வீரரான ரஷ்யாவில் டனில் மெட்வெடெவ் வென்றிருந்தார்.