பிரதான வீதிகளை புனரமைக்க நிதி ஒதுக்கீடு

-த.தவக்குமார்

மட்டக்களப்பு மாவட்டத்தில் யுத்தத்தினால் சேதமைடந்து, மக்கள் போக்குவரத்தில் ஈடுபடமுடியாத நிலையில் காணப்பட்ட பிரதான வீதிகளான முனைத்தீவு வீதி மற்றும் மகிழுர், களுதாவளை பிரதேசத்தில் இரு வீதிகளும் புனரமைப்புச்செய்ய 60 மில்லியன் ரூபாய் நிதி ஒதுக்கீடு செய்யப்பட்டிருப்பதாக வணிகத்துறை அமைச்சின் ஆலோசகரும் பட்டிருப்பு தொகுதியின் அமைப்பாளருமான சோ.கணேசமூர்த்தி ஞாயிற்றுக்கிழமை(22) தெரிவித்தார்.

அவர் மேலும் கூறுகையில்,

“30 வருடங்களாக எமது நாட்டில் நடைபெற்ற யுத்தத்தினால் இந்த வீதிகளினூடாக குறிப்பாக நாளாந்தம் போக்குவரத்தில் ஈடுபடும் பாடசாலை மாணவர்கள், அரச உத்தியோகத்தர்கள் பொதுமக்கள் போக்குவரத்தில் ஈடுபடுவதில் நீண்டநாட்களாக பல அசௌகரியங்களை எதிர்கொண்டனர்.

அண்மையில் உயர்கல்வி நெடுஞ்சாலைகள் அமைச்சர் லக்ஷ்மன் கிரியெல்லவுடனான கலந்துரையாடலின் போது இந்த வீதிகளை புனரமைப்புச்செய்ய 60 மில்லியன் ரூபாய் நிதி ஓதுக்கீடு செய்யப்பட்டுள்ளது” என்றார்.