மட்டு. மாநகரசபைக்கு விருது

-எம்.எஸ்.எம்.நூர்தீன்

2015ஆம் ஆண்டு மத்திய சுற்றாடல் அதிகார சபையினால் நடத்தப்பட்ட தேசிய பசுமை விருதுப் போட்டியில் மட்டக்களப்பு மாநகரசபைக்கு தேசிய மட்டத்தில் விருது கிடைத்துள்ளதாக மாநகரசபை ஆணையாளர்; எம்.உதயகுமார் இன்று வியாழக்கிழமை தெரிவித்தார்.

இவ்விருது கடந்த 05ஆம் திகதி கொழும்பு பண்டாரநாயக்க ஞாபகார்த்த மண்டபத்தில் ஜனாதிபதி மைத்திரிபால சிறிசேனவினால் மாநகர ஆணையாளர் மா.உதயகுமாரிடம் வழங்கப்பட்டது.

அகில இலங்கை பூராகவும் பலதரப்பட்ட அரச நிறுவனங்கள், பாடசாலைகள், தனியார் நிறுவனங்கள் பங்குபற்றிய இப்போட்டியில் கிழக்கு மாகாணத்தில் திணைக்களங்களுக்குள் மட்டக்களப்பு மாநகரசபைக்கு மாத்திரம் இவ்விருது கிடைத்துள்ளமை குறிப்பிடத்தக்கது.