விபத்தில் சிறுவன் படுகாயம்

ஏ.எச்.ஏ. ஹுஸைன்

மட்டக்களப்பு, வாழைச்சேனை பொலிஸ் பிரிவுக்குட்பட்ட ஓட்டமாவடி பிரதான வீதி மத்திய கல்லூரி சந்தியில் இடம்பெற்ற வாகன விபத்தில், சிறுவனொருவன் படுகாயமடைந்து வாழைச்சேனை ஆதார வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

சனிக்கிழமை  (10)  பகல் 1 மணியவில் இடம்பெற்ற இவ்விபத்தில், அஹமட் ஸப்ரான் (08 வயது) என்ற சிறுவனே படுகாயமடைந்துள்ளார்.

சைக்கிளில் சென்ற இந்தச் சிறுவன் பிரதான வீதியைக் கடக்க முற்பட்டபோது, பட்டா ரக லொறி மோதியுள்ளது. இச்சம்பவம் தொடர்பான விசாரணைகளை வாழைச்சேனை பொலிஸார் மேற்கொண்டுள்ளனர்.