நோன்பு பெருநாளை முன்னிட்டு இலவச அரிசி

(ஆர்.அனுருத்தன்)

மட்டக்களப்பு, காசான்குடா, வடிச்சல், உறுகாமம் ஆகிய மீள்குடியேற்றக் கிராமங்களுக்கு நோன்புப் பெருநாளை முன்னிட்டு ஏறாவூர் மீள்குடியேற்ற ஒன்றியத்தின் ஏற்பாட்டில் லிபியாவுக்கான உலக இஸ்லாமிய அழைப்பு இயக்கத்தினால் அன்பளிப்பாக வழங்கப்பட்ட அரிசியினை வழங்கும் நிகழ்வு அண்மையில் காசான்குடா  பள்ளிவாசலில் இடம்பெற்றது.

லிபியாவுக்கான உலக இஸ்லாமிய அழைப்பு இயக்கத்தினால் காசான்குடா வில் நிர்மாணிக்கப்பட்டுக்கொண்டிருக்கும் பள்ளிவாசலில் இடம்பெற்ற இந்த நிகழ்வின்போது தலா 10 கிலோ வீதம் 200 குடும்பங்களுக்கு அரிசி வழங்கப்பட்டது.

மீள்குடியேற்ற ஒன்றியத்தின் தலைவி திருமதி சர்மிளா ஸெய்யித் அஹமட் தலைமையில் இடம்பெற்ற இந்த நிகழ்வில் கிழக்கு மாகாணசபை சுகாதாரத்துறை அமைச்சர் எம்.எஸ்.சுபைர் பிரதம அதிதியாகக் கலந்துகொண்டார்.