கொக்கட்டிச்சோலை தான்தோன்றீஸ்வரர் ஆலய மஹோற்சம் இன்று ஆரம்பம்

(கே.எஸ்.வதனகுமார்)

மட்டக்களப்பு, கொக்கட்டிச்சோலை ஸ்ரீ தான்தோன்றீஸ்வரர் ஆலய மஹோற்சவ பெருவிழா இன்று 9ஆம் திகதி வியாழக்கிழமை கொடியேற்றத்துடன் ஆரம்பமாகின்றது. 

கொக்கட்டிசோலை தான்தோன்றீஸ்வரர் ஆலயத்தின் வருடாந்த உற்சவம் 19 தினங்கள் இடம்பெறவுள்ளதுடன் தினமும் சுவாமி உள்வீதி வெளிவீதி திரு உலா இடம்பெறுவதோடு தம்ப பூஜை மற்றும் வசந்த மண்டபபூஜைகளும் இடம்பெறும்.

26ஆம் திகதி ஞாயிற்றுக்கிழமை பிற்பகல் 4.00மணிக்கு தேரோட்டப் பெருவிழாவும் இரவு 7.00மணிக்கு வீரபத்திர ஆலய முன்றிலில் திருவேட்டை திருவிழாவும் இடம்பெறும்.

27ஆம் திகதி அதிகாலை 5.00மணி தொடக்கம் திருப்பொற்சுன்னம் இடித்தல் நிகழ்வு இடம்பெற்று தீர்த்தோற்சவம் இடம்பெற்றும். அதனைத்தொடர்ந்து மாலை 6.00மணிக்கு திருக்கல்யாணம், பொன்னூஞ்சல் இடம்பெற்று கொடியிறக்கலுடன் வருடாந்த உற்சவம் நிறைவுறும்.