விடுமுறை வழங்கப்பட்ட கிழக்கு மாகாண பாடசாலைகள் நாளை ஆரம்பம்

(றிப்தி அலி)

வெள்ளம் காரணமாக கடந்த வாரம் விடுமுறை வழங்கப்பட்டிருந்த கிழக்கு மாகாண பாடசாலைகள் நாளை திங்கட்கிழமை ஆரம்பமாகும் என கிழக்கு மாகாண கல்வி பணிப்பாளர் எம்.ரி.நிஸாம் தமிழ்மிரர் இணையத்தளத்திற்கு தெரிவித்தார்.

எனினும், வெள்ளம் தேங்கி நிற்கும் பாடசாலைகள் மற்றும் அகதி முகாம்களாக செயற்படும் பாடசாலைகளை ஆரம்பிப்பது தொடர்ப்பில் குறித்த வலய கல்வி பணிப்பாளர்களே தீர்மானிப்பார்கள் எனவும் அவர் குறிப்பிட்டார்.

கிழக்கு மாகாணத்தில் ஏற்பட்ட வெள்ளம் காரணமாக 302 பாடசாலைகள் பாதிக்கப்பட்டதுடன் 529 பாடசாலைகள் அகதி முகாம்களாக செயற்பட்டன என எம்.ரி.நிஸாம் கூறினார்.

அகதி முகாம்களாக செயற்பட்ட பல பாடசாலைகள் நீரிழ் மூழ்கியதாக அவர் மேலும் குறிப்பிட்டார்.