தாதியர் பயிற்சி கல்லூரி பயிலுனர்களுக்கான செயலமர்வு

(எம்.சுக்ரி)

மட்டக்களப்பு தாதியர் பயிற்சி கல்லூரி பயிலுனர்களுக்கு, 'ஆரோக்கியத்திற்கான உரிமை' எனும் தொனிப்பொருளில், செயலமர்வொன்று எகெட் கரிட்டாஸ் நிறுவனத்தின் ஏற்பாட்டில் நேற்று செவ்வாய்க்கிழமை தாதியர் பயிற்சிப் பாடசாலையில் நடைபெற்றது.

எகெட் கரிட்டாஸ்  நிறுவன பணிப்பாளர் அருட்தந்தை கலாநிதி  சிறிதரன் சில்வெஸ்டர்  தலைமையில் இடம்பெற்ற இச்செயலமர்வில்,  மனித உரிமைகள் ஆணைக்குழுவின் சிரேஷ்ட புலனாய்வு அதிகாரி யு.ஏ.அஸீஸ் கலந்துக்கொண்டு விரிவுரைகளை நடத்தினார்.