உதவி இந்திய தூதுவர் மலையக வைத்தியசாலைகயளுக்கு விஜயம் செய்யவுள்ளார்

(சுவர்ணஸ்ரீ)

டிக்கோயா கிளங்கன் மற்றும் மஸ்கெலியா ஆகிய மாவட்ட வைத்தியசாலைகளில்  காணப்படுகின்ற தேவைப்பாடுகளை குறித்து அறிந்து கொள்வதற்காக கண்டி உதவி இந்திய தூதுவர் ஆர்.கே.மிஸ்ரா எதிர்வரும் 19ஆம் திகதி தனது வேண்டுகோளுக்கிணங்க விஜயம் செய்யவுள்ளதாக ஜனநாயகத் தொழிலாளர் காங்கிரஸின் பிரதித் தலைவரும் மத்திய மாகாணசபை உறுப்பினருமான  முரளிரகுநாதன் தெரிவித்தார்.

அத்துடன், இந்திய அரசாங்கத்தின் நிதியுதவியில் டிக்கோயா கிளங்கன் மாவட்ட வைத்தியசாலையின் நிர்மாணப் பணிகள் வெகுவிரைவில் ஆரம்பிக்கப்படவுள்ளதாக  கண்டி இந்திய உதவி தூதுவர் தன்னிடம் தெரிவித்ததாக அவர் மேலும் தெரிவித்தார்