மலையக மக்கள் முன்னணியின் செயலாளர் நாயகமாக எஸ்.லோரன்ஸ் நியமனம்

(எஸ்.சுவர்ணஸ்ரீ)

மலையக மக்கள் முன்னணியின் செயலாளர் நாயகமாக எஸ்.லோரன்ஸ் நியமிக்கப்பட்டுள்ளததாக மலையக மக்கள் முன்னணியின் தலைவி சாந்தினி சந்திரசேகரன் தெரிவித்தார்.

மலையக மக்கள் முன்னணியின் செயலாளர் நாயகம் எஸ்.விஜயகுமார் காலஞ்சென்றதைத்அடுத்து ஏற்பட்ட வெற்றிடத்துக்கே எஸ்.லோரன்ஸ் நியமிக்கப்பட்டுள்ளார்.  இதற்கு முன்னர் கட்சியின் உபதலைவராக இவர் செயற்பட்டு வந்தார்.

அத்துடன் மலையக மக்கள் முன்னணியின் பிரதிச்செயலாளராக எஸ்.விஜயசந்திரன் நியமிக்கப்பட்டுள்ளார்.

இதேவேளை, மலையக மக்கள் முன்னணியின் ஆரம்ப கால முக்கியஸ்தர்கள் சிலருக்கு கட்சியின் மத்திய குழு மற்றும் செயற்குழுவில் முக்கிய பதவிகள் வழங்கப்படவுள்ளதாகவும் சந்திரசேகரன் தெரிவித்தார்.