உல்லாச பயணிகளின் நடவடிக்கைகளால் நுவரெலியாவின் சுற்றுச்சூழல் பாதிப்பு

(எஸ்.சுவர்ணஸ்ரீ)

நுவரெலியா நகரப்பகுதிக்கு வருகின்ற உல்லாச பயணிகளால் நகரத்தின் பல்வேறு பகுதிகளில் வீசப்படுகின்ற கழிவுப் பொருட்களால் பொது சுகாதாரத்துக்குப் பங்கம் ஏற்பட்டுள்ளதாக நுவரெலியா மாவட்டச் செயலாளர் சுட்டிக்காட்டியுள்ளார்.

வாரயிறுதி நாட்களில் தொடர்ச்சியான விடுமுறை நாட்களின் போது நுவரெலியா நகரக்கு பெரும் எண்ணிக்கையான உல்லாச பயணிகள் வருகை தந்திருந்ததாகவும் இவர்கள் பாவித்த பல்வேறு பொருட்கள் நகரில் பல்வேறு பகுதிகளில் கட்டுபாடின்றி விசப்பட்டிருந்தாகவும் இதனால் நகரின் சுற்றுச்சூழலுக்குப் பெரும் பங்கம் ஏற்பட்டதாகவும் அவர் மேலும் சுட்டிக்காட்டியுள்ளார்.
 
எனவே நுவரெலியா நகருக்கு வருகின்ற உல்லாச பயணிகள் கழவுப்பொருட்களை பொது இடங்களில் வீசுவதைத் தவிர்த்துக்கொள்ள வேண்டுமென நுவரெலியா மாவட்டச் செயலாளர் வேண்டுகோள் விடுத்துள்ளார்.