கஞ்சா சகோதரிகள் இருவர் கண்டியில் கைது

(மொஹொமட் ஆஸிக்)

கண்டி பேராதனை பிரதேசத்தில் பெருமளவில் கஞ்சாவை விநியோகம் செய்த இரண்டு சகோதரிகளை கட்டுகஸ்தோட்டை பொலிஸார் நேற்று கைது செய்துள்ளனர்.

கட்டுகஸ்தோட்டை பிரதேசத்தில் ஒரு தொகை கஞ்சாவுடன் கைதுசெய்யப்பட்ட நபரிடம் நடத்திய விசாரணையின் பிரகாரமே இவ்விரு சகோதரிகளை பொலிஸார் கைது செய்துள்ளனர்.

கைது செய்யப்பட்ட இரு சகோதரிகளில் ஒருவரை கண்டி பிரதான நீதவான் லலித் ஏக்கநாயக்க முன்னிலையில் ஆஜர் செய்யப்பட்டபோது எதிர்வரும் 9ஆம் திகதிவரை விளக்கமறியலில் வைக்குமாறு உத்தரவிட்டார். மற்றைய சகோதரியை பொலிஸ் நிலையத்தில் தடுத்து வைத்து மேலதிக விசாரணைகளை பொலிஸார் மேற்கொண்டு வருகின்றனர்.