ஐ.ம.சு.மு. சார்பில் போட்டியிடும் இரு குழுக்களுக்கிடையே கைகலப்பு

(மொஹொமட் ஆஸிக்)

புதிய மாநகரசபையாக பிரகடனப்படுத்தப்பட்டுள்ள  தம்புள்ளை மாநகரசபைக்கு ஐக்கிய மக்கள் சுதந்திர முன்னணி சார்பில் போட்டியிடுவதற்கு தயாராகவுள்ள இரு குழுக்களுக்கிடையே நேற்று திங்கட்கிழமை   மாலை ஏற்பட்ட கைகலப்பின்போது, ஆதரவாளர் ஒருவரின்; ஏழு பற்கள் உடைக்கப்பட்டுள்ளதாக தம்புள்ளை பொலிஸில் முறைப்பாடு செய்யப்பட்டுள்ளது.

இக்கைகலப்பின்போது, மற்றுமொரு ஆதரவாளருடைய மோட்டார் வாகனமும் சேதமாக்கப்பட்டுள்ளதாக முறைப்பாடு செய்யப்பட்டுள்ளதாக பொலிஸார் தெரிவித்தனர்.

தம்புள்ளையில் இடம்பெற்ற முதலாவது தேர்தல் வன்முறை இதுவாகுமெனக்  கூறிய பொலிஸார்,  மேலதிக விசாரணைகளை மேற்கொண்டு வருகின்றனர்.