மலையக மக்கள் முன்னணியின் வேட்பாளர் ஐக்கிய தேசிய கட்சியில் இணைவு

(எம்.எப்.எம். தாஹிர்)

மலையக மக்கள் முன்னணி சார்பாக பதுளை மாநகர சபை தேர்தலில் போட்டியிடும் நோபல் சுரேஸ் நேற்று வெள்ளிக்கிழமை ஐக்கிய தேசிய கட்சியில் இணைந்து கொண்டுள்ளார்.

பதுளை மாநகர சபை தேர்தலில் போட்டியிடும் ஐக்கிய தேசிய கட்சி வேட்பாளர்களை ஆதரித்து ரணில் விக்கிரமசிங்க தலைமையில் நேற்று மாலை பதுளை வெலேகடை பகுதியில் பிரசார கூட்டமொன்று இடம்பெற்றது.

இதன்போதே, நோபல் சுரேஸ் ஐக்கிய தேசிய கட்சியில் இணைந்து கொண்டதுடன்  ரணில் விக்கிரசிங்கவிடமிருந்து கட்சி அங்கத்துவத்தையும் பெற்று கொண்டார்.

இந்த பிரசார கூட்டத்தில் பதுளை மாவட்ட நாடாளுமன்ற உறுப்பினர் ஹரின் பெர்ணான்டோ, ஊவா மாகாண சபை உறுப்பினர் கே.வேலாயுதம், முன்னால் பிரதியமைச்சர் எம்.சச்சிதானந்தன் உள்ளிட்ட பலர் கலந்துகொண்டனர்.