வீட்டுத்தோட்டத்தில் கஞ்சாச் செடி வளர்த்த நபர் கைது

(சி.எம்.ஃபாத்)

இரகசியமாக வீட்டுத்தோட்டத்தில் கஞ்சாச் செடிகளை வளர்த்ததாகத் தெரிவிக்கப்படும் நபரொருவர் நேற்று வியாழக்கிழமை பொலிஸாரால் கைதுசெய்யப்பட்டுள்ளார்.

மேற்படி நபரைக் கைதுசெய்த கண்டி போதைப்பொருள் ஒழிப்புப் பிரிவு பொலிஸார், அவரிடமிருந்து 80 கிலோகிராம் நிறையுடைய இரண்டு கஞ்சாச் செடிகளையும் கைப்பற்றியுள்ளனர்.

பொலிஸாருக்கு கிடைத்த இரகசியத் தகவலையடுத்து கண்டி கொஹாகொட பகுதியிலுள்ள வீட்டுத்தோட்டமொன்றில் சோதனை மேற்கொள்ளப்பட்டதாகவும் இதன்போது கஞ்சாச் செடிகள் கண்டுபிடிக்கப்பட்டதாகவும் பொலிஸார் கூறினர்.