போதைப் பொருள்களுடன் 20 இளைஞர்கள் கைது

ரஞ்சித் ராஜபக்‌ஷ

போதைப் பொருள்களுடன் சிவனொளிபாதமலைக்கு யாத்திரைச் சென்ற 20 இளைஞர்கள் நேற்றும், இன்றும் கைதுசெய்யப்பட்டுள்ளனரென, ஹட்டன் பொலிஸார் தெரிவித்தனர்.

ஹட்டன்- போதை ஒழிப்பு பொலிஸ் பிரிவினரால்  கினிகத்தேனை, தியகல, செனன் ஆகிய பிரதேசங்களில் வீதித் தடையை ஏற்படுத்தி முன்னெடுத்த சோதனை நடவடிக்கையின் போதே, சந்தேகநபர்கள் கைதுசெய்யப்பட்டுள்ளனர்.

சந்தேகநபர்கள் நீர்கொழும்பு, குருநாகல், கொழும்பு, தமபுளை, காலி, மாத்த​றைப் பிரதேசங்களைச் சேர்ந்த 20- 30 வயதுக்கு இடைப்பட்டவர்கள் என்றும் இவர்கள் ஹட்டன் நீதவான் நீதிமன்றில் முன்னிலைப்படுத்தப்படவுள்ளனரென்றும் பொலிஸார் தெரிவித்துள்ளனர்