சுகவாழ்வு சதுக்கமாக தெல்லிப்பழை பிரகடனம்

-எம்.றொசாந்த்

உலக புகைத்தல் எதிர்ப்புத் தினத்தையொட்டி தெல்லிப்பழை புற்றுநோய் வைத்தியசாலை அமைந்துள்ள கிராமம், சுகவாழ்வு சதுக்கமாக பிரகடனப்படுத்தப்பட்டது.

தெல்லிப்பழை சுகாதார வைத்திய அதிகாரி பணிமனை, பிரதேச செயலகம், மற்றும் பிரதேச சபை ஆகியன இணைந்து மது, புகைத்தல், பொலித்தீன், மற்றும் விவசாய இராசயனங்கள் ஆகியவையை கட்டுப்படுத்தப்பட்ட சதுக்கமாக, தெல்லிப்பழை சந்தியிலிருந்து புற்றுநோய் வைத்தியசாலையை சூழவுள்ள பகுதி, நேற்று முன்தினம் பிரகடனப்பட்டது.

இந்நிகழ்வில், பிராந்திய சுகாதார சேவைகள் பணிப்பாளர், பிரதேச செயலாளர், புற்றுநோய் வைத்திய நிபுணர்கள், பிரதேச சபை செயலாளர், பொலிஸ் நிலைய பொறுப்பதிகாரி, பாடசாலை அதிபர் ஆசிரியர்கள், மாணவர்கள், சுகாதார உத்தியோகத்தர்கள் பிரதேச செயலக உத்தியோகத்தர்கள் தன்னார்வ தொண்டர்கள் உள்ளிட்டவர்கள் கலந்துகொண்டனர்.