மல்லாகத்தில் இரண்டு இலட்சம் ரூபாய் பெறுமதியான நகைகள் திருட்டு

(நவம்)

யாழ். குடாநாட்டில் புலமைப்பரிசில் பரீட்சைக்கு பிள்ளையை கூட்டிச்சென்ற ஆசிரியரின் வீட்டிற்குள் நுழைந்த திருடர்கள் சுமார் இரண்டு இலட்சம் ரூபாய் பெறுமதியான நகைகள் உட்பட  பல பொருள்களை திருடிச்சென்றுள்ளனர்.

யாழ். மல்லாகம் சோடாக்கம்பனி கிழக்கு ஒழுங்கையிலுள்ள ஆசிரியரின் வீட்டிலேயே நேற்று  ஞாயிற்றுக்கிழமை இந்த திருட்டுச் சம்பவம்  இடம்பெற்றுள்ளது.

இந்த திருட்டுச் சம்பவம் தொடர்பில் தெல்லிப்பளைப் பொலிஸில்  முறைப்பாடு செய்யப்பட்டதையடுத்து,  விசாரணைகள் இடம்பெற்று வருகின்றன.  
 
குறித்த வீட்டில் ஆள் நடமாட்டம் இல்லாததைக் கண்ட திருடர்கள், வீட்டின் முன்புறக் கதவை உடைத்துக் கொண்டு உள்ளே சென்று வீட்டை முழுமையாக சோதனையிட்டதுடன், சுமார் ஆறு பவுன் நிறையுடைய சங்கிலிகள், பணம் உட்பட ஏனைய பொருள்களையும்  திருடிச் சென்றிருப்பதாகத் தெரிவிக்கப்படுகிறது.