மூன்றாவது கொத்தணிப் பாடசாலை வடமராட்சி கிழக்கில்

(கர்ணன்)
 
வடமராட்சி கிழக்கில் ஆழியவளை சி.சி.த.க. பாடசாலையில் மூன்றாவது கொத்தணிப் பாடசாலை ஆரம்பிக்கப்படவுள்ளது.

இந்நிலையில் இங்குள்ள கட்டடப் பற்றாக்குறையை போக்குவதற்கு வசதியாக வல்வெட்டித்துறை சிவகுரு வித்தியாலயத்தில் 'யுனிசெவ்' நிறுவனத்தால் அமைக்கப்பட்ட கொட்டகை ஆழியவளை சி.சி.த.க. பாடசாலைக்கு மாற்றப்படவுள்ளதாக வடமராட்சி வலயப் பிரதிக் கல்விப் பணிப்பாளர் எஸ். நந்தகுமார் தெரிவித்துள்ளார்.

ஆழியவளை சி.சி.த.க. பாடசாலை கொத்தணிப் பாடசாலையாக எதிர்வரும் 27ஆம் திகதி திங்கட்கிழமை ஆரம்பமாகவுள்ளது.

வடமராட்சி கிழக்கில் மொத்தம் 13 பாடசாலைகளில் இதுவரை 6 பாடசாலைகள் இயங்க ஆரம்பித்துள்ளமை குறிப்பிடத்தக்கது.