யாழில் இரத்ததான முகாம்

(கவிசுகி)

தேசிய சுகநல வாரத்தையொட்டி இரத்ததான நிகழ்வுகள் யாழ்ப்பாணம் பிராந்திய சுகாதார சேவைகள் பணிப்பாளர் பணிமனை, சாவகச்சேரி ஆதார வைத்தியசாலை, பருத்தித்துறை ஆதார வைத்தியசாலை ஆகியவற்றில் நேற்று ஞாயிற்றுக்கிழமை நடைபெற்றன.

சுகாதாரப் பணியாளர்கள், அரசாங்க உத்தியோகத்தர்கள், பொதுமக்கள், இராணுவத்தினர், பொலிஸாரென உள்ளிட்ட பலரும் கலந்துகொண்டு இரத்ததானம் வழங்கினர்.

பிராந்திய சுகாதார சேவைகள் பணிமனையில் 140 பேரும் சாவகச்சேரி ஆதார வைத்தியசாலையில் 128 பேரும் பருத்தித்துறை ஆதார வைத்தியசாலையில் 65 பேருமாக மொத்தம் 333 பேர் இரத்ததானம் வழங்கினர்.