கோடா வைத்திருந்த நபருக்கு 3 லட்சம் அபராதம்

(பாலமதி)

கசிப்பு உற்பத்தி செய்வதற்கென கோட வைத்திருந்தார் என்ற குற்றச்சாட்டின் பேரில் கைது செய்யப்பட்டு யாழ். நீதிமன்றத்தில் ஆஜர் செய்யப்பட்ட நபருக்கு 3 லட்சம் ரூபா அபராதம் விதிக்கப்பட்டுள்ளது.

சுன்னாகத்தைச் சேர்ந்த இந்த நபரை கோப்பாய் பொலிஸார் கைது செய்து நேற்று யாழ். நீதிமன்றில் ஆஜர் செய்தனர்.

வழக்கினை விசாரணை செய்த யாழ். நீதிபதி ஏ.ஏ.ஆனந்தராஜா, சந்தேக நபர் குற்றத்தை ஒப்புக் கொண்டதை அடுத்து அவருக்கு 3 லட்சம் ரூபா அபராதம் விதித்ததுடன் அதனைச் செலுத்தத் தவறின் ஒரு வருட காலத்துக்கு சிறைத்தண்டனை அனுபவிக்குமாறும் உத்தரவிட்டார்.