பீப்பள்ஸ் லீசிங் நிறுவனத்துக்கு விருதுகள்

பீப்பள்ஸ் லீசிங் நிறுவனத்துக்கு, 18ஆவது ‘SLIM-NASCO- 2018’ விருதுகள் வழங்கும் நிகழ்வில் தங்கம் மற்றும் இரண்டு வெண்கல விருதுகள் வழங்கி கௌரவிக்கப்பட்டிருந்தது.  

ஆண்டின் சிறந்த பிராந்திய முகாமையாளருக்கான ‘SLIM-NASCO- 2018’ தங்க விருது மதுகம கிளை முகாமையாளர் ஆர்.எம். சமீர ரத்நாயக்கவுக்கு வழங்கப்பட்டது. இதே பிரிவில் வெண்கல விருதை, பீப்பள்ஸ் லீசிங் கண்டி கிளையின் Al Safa நிதியியல் பிரிவின் முகாமையாளர் முஹமட் ரிலா முஹமட் அமீன் பெற்றுக் கொண்டார்.  

இந்த விருதுகள் வழங்கும் நிகழ்வில் முன்னிலையாளருக்கான விருதுகள் வழங்கும் நிகழ்வில் வெண்கல விருதை பீப்பள்ஸ் லீசிங் ஹோமகம கிளையின் ஊழியரான புபுது சோமபிரிய பெற்றுக் கொண்டார்.  

‘SLIM-NASCO’ விருதுகள் வழங்கும் நிகழ்வு வருடாந்தம் ஏற்பாடு செய்யப்படுவதுடன், இலங்கையின் சந்தைப்படுத்தல் துறைக்கு பெறுமதி சேர்க்கும் திறமையான நிபுணர்களின் புத்தாக்கமான செயற்பாடுகளை கௌரவிக்கும் வகையில் ஏற்பாடு செய்யப்படுகிறது.