மட்டு. இலங்கை வங்கிக்கிளை ஊழியர்களின் பிள்ளைகளுக்கு புலமைப்பரிசில்

(எம்.சுக்ரி)

இலங்கையிலுள்ள வங்கி ஊழியர்கள் அமைப்பின் மட்டக்களப்பு மாவட்டக் கிளை அங்கத்தவர்களின் பிள்ளைகளுக்கு புலமைப்பரிசில் வழங்கும் வைபவம் மட்டக்களப்பு வை.எம்.சி.ஏ.மண்டபத்தில் நேற்று ஞாயிற்றுக்கிழமை நடைபெற்றது.

மட்டக்களப்பு மாவட்டக் கிளை அங்கத்தவர்களின் 9 பிள்ளைகளுக்கு புலமைப்பரிசில் பண கொடுப்பனவு வழங்கப்பட்டதுடன்,  ஓய்வு பெற்ற 63 வங்கி ஊழியர்கள் கௌரவிக்கப்பட்டனர்.

மட்டக்களப்பு மாவட்டக்கிளையின் தலைவர் எம்.ஜே.பிரபாகரன் தலைமையில் நடைபெற்ற இந்த வைபவத்தில் இலங்கையிலுள்ள வங்கி ஊழியர்கள் அமைப்பின் தேசிய மட்டத்திலான தலைவர் அமரபால கமகே, பிரமுகர்கள், முக்கியஸ்த்தர்கள், அதன் அங்கத்தவர்கள் பலரும் கலந்து கொண்டனர்.