ஃபொன்டெராவின் முகாமைத்துவ பணிப்பாளராக வித்யா சிவராஜா

ஃபொன்டெரா பிரான்ட்ஸ் ஸ்ரீ லங்காவின் முகாமைத்துவ பணிப்பாளராக இலங்கையில் பிறந்து வளர்ந்த வித்யா சிவராஜா நியமிக்கப்பட்டுள்ளதாக நிறுவனம் அறிவித்துள்ளது. ஃபொன்டெரா இலங்கை, இந்திய உபகண்டத்தின் வியாபார நடவடிக்கைகளுக்கு முகாமைத்துவ பணிப்பாளராக செயலாற்றிய சுனில் சேதி, நான்கு வருட காலமாக நிறுவனத்தின் செயற்பாடுகளை ஆக்கபூர்வமான வழியில் முன்னெடுத்துச் சென்றிருந்ததை தொடர்ந்து, இந்தியாவில் தமது குடும்பத்தாருடன் இணைந்து கொள்வதற்காக பணியிலிருந்து விடைபெற்றுச் செல்வதாக ஃபொன்டெரா நிறுவனம் அறிவித்துள்ளது.   

ஃபொன்டெரா நிறுவனத்துடன் 15 வருட காலமாக பணியாற்றிய அனுபவத்தை வித்யா கொண்டுள்ளதுடன், அண்மையில் சிங்கப்பூர் மற்றும் மலேசியா வியாபாரங்களின் முகாமைத்துவ பணிப்பாளராக நியமிக்கப்பட்டிருந்தார்.

2020 ஏப்ரல் மாதம் வரை வியாபார நடவடிக்கைகளை சேதி மேற்பார்வை செய்வதுடன், பொறுப்புகளை கையளிக்கும் நடவடிக்கைகள் சுமூகமாக முறையில் இடம்பெறுவதையும் உறுதி செய்வார்.