நீதிபுரத்தில் கசிப்பு; ஒருவர் கைது

-  சுப்பிரமணியம் பாஸ்கரன்

முல்லைத்தீவு, மாங்குளம் பகுதியில் நீதிபுரம் பகுதியில் நடத்தப்பட்டு வந்த கசிப்பு விற்பனை நிலையம், இன்று திங்கட்கிழமை (11) முற்றுகை செய்யப்பட்டு அதனை நடத்தி வந்த சந்தேகநபர் ஒருவரும் கைதுசெய்யப்பட்டுள்ளதாக மாங்குளம் பொலிஸார் தெரிவித்தனர்.

மேலும், அங்கிருந்து 5 லீற்றர் கசிப்பு, 25 போத்தல் கோடா உள்ளிட்ட பொருட்களும் கைப்பற்றப்பட்டன.

கிளிநொச்சி, தர்மபுரம் பகுதியிருந்து நீதிபுரம் பகுதிக்கு கசிப்பு கொண்டு வரப்பட்டு விற்பனை செய்யப்படுவதாக, பொலிஸாருக்கு கிடைத்த இரகசிய தகவலின் அடிப்படையில் அந்த இடத்தைச் சுற்றி வளைத்த பொலிஸார் சந்தேகநபரைக் கைது செய்தனர்.