வவுனியா வீதி விபத்தில் யுவதி பலி

(ரி.விவேகராசா)

வவுனியா அரசினர் வைத்தியசாலைக்கு முன்பாக ஏ- 9 வீதியில் இன்று காலை 9 மணியளவில் இடம்பெற்ற வாகன விபத்தில் இளம் யுவதி ஒருவர் ஸ்தலத்திலேயே பலியானார்.

இவர் வவுனியாவில் உள்ள ஒரு தனியார் வைத்தியசாலையில் கடமையாற்றும்  நடேசலிங்கம் லோஜனி (வயது 23) என்று அடையாளம் காணப்பட்டுள்ளார்.

இறந்தவர் ஏ - 9 வீதியால் தனது துவிச்சக்கரவண்டியில் சென்று கொண்டிருந்தப்போது பின்னால் வந்த டிப்பர் வாகனம் மோதியதினால் விபத்து ஏற்பட்டுள்ளது.

தலைநசிந்து யுவுதி மரணமாகியுள்ளதாக பொலிஸார் தெரிவித்தனர். குறித்த சாரதி கைது செய்யப்பட்டுள்ளார். வவுனியா போக்குவரத்து பொலிஸார் விசாரணைகளை மேற்கொண்டுள்ளனர்.