வெள்ளம் காரணமாக மூடப்பட்ட பாடசாலைகள் மீண்டும் ஆரம்பம்

(கவிசுகி)

அண்மையில் பெய்த வெள்ளப்பெருக்கு காரணமாக மூடப்பட்டிருந்த மன்னார் மாவட்டத்தின் முருங்கன் மகாவித்தியாலமும் நானாட்டன் மகாவித்தியாலயமும் நேற்று திங்கட்கிழமை திறக்கப்பட்டுள்ளதாக மன்னார் வலய கல்வி பணிப்பாளர் எம்.ஏ.ரெவல் தெரிவித்துள்ளார்.

மன்னார் மாவட்டத்திலுள்ள பல பாடசாலைகளில் இடம்பெயர்ந்த மக்கள் தங்கவைக்கப்பட்டிருந்தனர். இதனால் பல பாடசாலைகளில் கல்வி நடவடிக்கைகள் தடைப்;பட்டிருந்தது. தற்போது நிலைமை வழமைக்கு திரும்பியுள்ள நிலையில், படிப்படியாக பாடசாலைகள் இயக்க ஆரம்பித்துள்ளதாகவும் அவர் கூறினார்.