கிளிநொச்சியில் சட்டவிரோத மண் அகழ்வை கட்டுப்படுத்தும் நடவடிக்கையில் பொலிஸார்

(ஹேமந்த்)

கிளிநொச்சி மாவட்டத்தில் மேற்கொள்ளப்பட்டுவரும் சட்டவிரோத நடவடிக்கையைக் கட்டுப்படுத்தும் திட்டத்தில் கிளிநொச்சி பொலிஸ் பிரிவு ஈடுபட்டுள்ளது.

நேற்று முன்தினம் மேற்கொள்ளப்பட்ட இந்த நடவடிக்கையில் அக்கராயன் மற்றும் உருத்திரபுரம் ஆகிய பகுதிகளில் இருந்து சட்டவிரோதமாக மண் அகழ்ந்து சென்ற ஐந்து உழவு இயந்திரங்களைப் பொலிஸார் கைப்பற்றினர்.

பின்னர் இந்த ஐந்து உழவு இயந்திரங்களும் மண் ஏற்றப்பட்ட நிலையில் கிளிநொச்சிப் பொலிஸ் நிலையத்தில் நிறுத்தப்பட்டிருந்தன. இதேவேளை சட்டவிரோதமாக மண் ஏற்றிச் சென்ற டிப்பர் வாகனங்களையும் பொலிஸார் கைப்பற்றியுள்ளனர்.

இந்த வாகனங்களை கிளிநொச்சி நீதிமன்றத்தில் பதிவு செய்யப்படும் வழக்கையடுத்து அங்கே நிறுத்துவதற்கு நடவடிக்கை எடுப்பதாக பொலிஸார் தெரிவிக்கின்றனர்.