கைதிகளின் விபரங்களை பார்வையிட தினமும் கூடும் உறவுகள்

(ரி-விவேகராசா)

வவுனியா - கண்டி வீதியில் அமைந்துள்ள பயங்கரவாத புலனாய்வு விசாரணை அலுவலகத்தில் வைக்கப்பட்டுள்ள கைதிகளின் விபரங்களை தினமும் நெருங்கிய  உறவினர்கள் சென்று பார்வையிட்டு வருகின்றனர்.

வவுனியா - கண்டி வீதியில் அமைந்துள்ள பயங்கரவாத புலனாய்வு விசாரணை அலுவலகத்தில் தடுப்புக்காவலிலுள்ள கைதிகளின் விபரங்களை நெருங்கிய  உறவினர்கள் பெற்றுக்கொள்ள முடியுமென அறிவிக்கப்பட்டிருந்தது.  இந்த நிலையில் பெருமளவிலானோர் அங்கு சென்று தமது உறவுகள் குறித்து  விசாரித்து வருகின்றனர்.

யுத்த காலத்தில் காணாமல் போனவர்கள் பற்றிய  தகவல்கள் எதுவுமே  தமக்கு  தெரியாதென  அங்குள்ள அதிகாரிகள் தெரிவித்துள்ளனர். படையினரிடம் உள்ளவர்களுடைய விபரங்களை இங்கு பெற்றுக்கொள்ளலாமென தெரிவிக்கப்படுகின்றது.