மன்னார் தேசிய இளைஞர் சேவைகள் மன்றத்தினூடாக செவி கடன் திட்டம் அறிமுகம்.

(எஸ்.ஜெனி)

இளைஞர் விவகார மற்றும் திரண் அபிவிருத்தி அமைச்சினால் அறிமுகப்படுத்தப்பட்டுள்ள செவி கடன் திட்டம் - தேசிய இளைஞர் சேவைகள் மன்றத்தினூடாக மன்னார் மாவட்டத்திலும் நடைமுறைப்படுத்தப்பட்டு வருவதாக தேசிய இளைஞர் சேவைகள் மன்றத்தின் மன்னார் மாவட்ட உதவிப்பணிப்பாளர் என்.எம்.முனவ்பர் தெரிவித்தார்.

(N.V.Q) தொழில் பயிற்சி பெற்றவர்களும், 8 நாள் தொழில் பயிற்சி பெற்றுக்கொண்டவர்களும் இதற்கு தகுதிபெற்றவர்கள். மேற்படி கடன் திட்டமானது அரச வங்கியூடாக 2 இலட்சத்து 50 ஆயிரம் ரூபாய் வரை கடன் பெற்றுக்கொள்ளமுடியும் என தெரிவிக்கப்பட்டுள்ளது.
 
மேற்படி தொழில் பயிற்சி மற்றும் பயிற்சியை பெற்று கடன் பெற விரும்புவேர் மன்னார், தலைமன்னார் பிரதான வீதியில் உள்ள மன்னார் தேசிய இளைஞர் சேவைகள் மன்றத்துடன் தொடர்பு கொண்டு விபரங்களைப் பெற்றுக்கொள்ளுமாறு தேசிய இளைஞர் சேவைகள் மன்றத்தின் மன்னார் மாவட்ட உதவிப்பணிப்பாளர் என்.எம்.முனவ்பர் தெரிவித்துள்ளார்.