வவுனியா நகர சபையின் 2011க்கான வரவு செலவுத்திட்டத்துக்கு மறுப்பு

(ரி.விவேகராசா)

வவுனியா நகர சபையின் அடுத்த ஆண்டுக்குரிய வரவு செலவுத்திட்டம் இன்று திங்கட் கிழமை சபைக்கூட்டத்தில் இரண்டாவது தடவையாகவும் அங்கீகரிக்கப்படவில்லை என சபையின் செயலாளர் எம் வசந்தகுமார் தெரிவித்தார்.

தலைவர் ஜி.நாதன் தலைமையில் வரவு செலவுத்திட்ட விசேட கூட்டம் சபா மண்டபத்தில் நடைபெற்றபோது  உப தலைவர் எம்-முகுந்தரதன் பஜட்டினை சமர்ப்பித்து பிரேரித்தார் அதனை சபை உறுப்பினர் எம்.முனாபர் வழிமொழிந்தார்.

ஏனைய சமூகமளித்திருந்த சபை உறுப்பினர்கள் ஐவர் தாம் இதற்கு எதிர்ப்பு தெரிவிப்பதாக கூறினார்கள். இதனை அடுத்து கூட்டம் முடிவடைந்தது என சபை செயலாளர் மேலும் கூறினார்.