5 வருடங்களுக்கு பின் ஆத்மியா ரீ-என்ட்ரி

 ‛மனம் கொத்தி பறவை' படத்தில் சிவகார்த்திகேயன் ஜோடியாக தமிழில் அறிமுகமானவர் ஆத்மியா. பின் ‛போங்கடி நீங்களும் உங்க காதலும்' என்ற படத்தில் நடித்தார். இரண்டு படங்களுமே தோல்வி அடைந்ததால் ஆத்மியாவுக்கு வாய்ப்புகள் இல்லை. சில மலையாள படங்களில் நடித்தார்.

5 வருடங்களுக்கு பின் மீண்டும் நடிக்க வந்திருக்கிறார். முழுக்க முழுக்க அமெரிக்காவில் தயாராகி உள்ள ‛காவியன்' என்ற படத்தில் ஷாம் ஜோடியாக நடித்திருக்கிறார். இந்தப் படத்தை சாரதி என்ற புதுமுகம் இயக்கி உள்ளார். எதிர்வரும் 18ல் படம் வெளிவருகிறது.

இதுதவிர சுப்பிரமணியம் சிவா இயக்கும் ‛வெள்ளை யானை' படத்தில் நடித்து வருகிறார். இது விவசாயம் சம்பந்தப்பட்ட படம். இதில் தஞ்சாவூர் பெண்ணாக நடித்திருக்கிறார். இரு படங்களும் அடுத்தடுத்து வெளிவருகிறது.