திருக்கோவில் முருகன் ஆலய கொடியேற்றம் நாளை மறுநாள்

எஸ்.கார்த்திகேசு

கிழக்கிலங்கையில் வரலாற்று சிறப்பு மிக்க அருள்மிகு ஸ்ரீ சித்திர வேலாயுதர் சுவாமி ஆலய சங்காபிஷேகம், நாளை (24) இடம்பெற்று, ஆலய பிரதம குரு சண்முக மகேஸ்வரர் குருக்கள் தலைமையில், நாளை மறுநாள் புதன்கிழமை (25) கொடியேற்றம் இடம்பெறவுள்ளது.

ஆலயத்தின் மகா கும்பாபிஷேகம், கடந்த மாதம் 25ஆம் திகதி இடம்பெற்றதைத் தொடர்ந்து, மண்டலாபிஷேகம், கிரியைகள் இடம்பெற்று வந்தன.

நாளை மறுநாள் கொடியேற்றத்தைத் தொடர்ந்து, 18 நாட்கள் திருவிழாக்கள் இடம்பெற்று, எதிர்வரும் ஓகஸ்ட் மாதம் 11ஆம் திகதி சனிக்கிழமை, அடியமாவாசைத் தீர்த்த உற்சவமும் மறுநாள் (12) பூங்காவனத் திருவிழாவும் இடம்பெற்று, வைரவர் பூசையுடன் ஆலயத் திருவிழா நிறைவு பெறவுள்ளது.