ஐ. அமெரிக்க ஒப்பந்தக்காரர்கள் உள்ள தளத்துக்கருகே றொக்கெட்டுகள்

சில ஐக்கிய அமெரிக்க ஒப்பந்தக்காரர்களைக் கொண்டுள்ள ஈராக்கிய இராணுவத் தளமொறுக்கருகிலான கிராமப் புற பகுதியொன்றில் இரண்டு றொக்கெட்டுகள் நேற்று முன்தினம் வீழ்ந்ததாகவும், ஆனால் உயிரிழப்பேதுமில்லையென ஈராக்கிய பாதுகாப்பு அதிகாரிகள் தெரிவித்துள்ளனர்.

தளத்துக்கின் வெளி வேலியிலேயே றொக்கெட்டுகள் தரையிறங்கியதாக ஈராக்கிய இராணுவம் தெரிவித்துள்ளது.

ஈராக்கியத் தலைநகர் பக்தாத்துக்கு வடக்காகவுள்ள பலாட் விமானத் தளத்தை தாக்க இலக்கு வைத்ததாகவே இத்தாக்குதல் இருந்ததாகத் ஆரம்பகட்ட விசாரணைகள் வெளிப்படுத்தியதாகவும், ஆனாலும் றொக்கெட்டுகள் முன்னரே அல்-பு அசி கிராமத்தில் தென் கிழக்காக வீழ்ந்ததாக பாதுகாப்பு அதிகாரிகள் கூறியுள்ளனர்.

இத்தாக்குதலுக்கு உடனடியாக எக்குழுவும் உரிமை கோரவில்லை என்றபோதும், இவ்வாறான சம்பவங்களுக்கு முன்னர் ஈரானால் ஆதரிக்கப்படும் ஆயுதக் குழுக்கள் உரிமை கோருவதாக சில ஈராக்கிய அதிகாரிகள் தெரிவித்துள்ளனர்.