சவூதியின் தாக்குதலில் 10 பேர் பலி

சவூதி அரேபியா தலைமையிலான அரபுக் கூட்டணியின் விமானத் தாக்குதல்களால், ஹொடெய்டா மாகாணத்தில், குறைந்தது 10 பொதுமக்கள் கொல்லப்பட்டனர் என, மருத்துவத் துறையினரும் ஹூதி ஊடகங்களும் தெரிவித்தன.

நேற்று முன்தினம் (13) இத்தாக்குதல்கள் மேற்கொள்ளப்பட்டன என அறிவிக்கப்படுகிறது. ஹூதி ஊடகங்களின் அறிவிப்பின்படி, 17 பேர் கொல்லப்பட்டனர் என்று கூறப்பட்டது. அத்தோடு, இன்னும் பலர், ஆபத்தான நிலையில் வைத்தியசாலையில் சிகிச்சை பெற்று வருகின்றனர் என, அவ்வூடகங்கள் குறிப்பிட்டன.