‘நைகர் கிராமங்கள் மீதான தாக்குதல்களில்137 பேர் கொல்லப்பட்டனர்’

தென்மேற்கு நைகரிலுள்ள கிராமங்கள் மீதான ஒருங்கிணைந்த தாக்குதல்களில், 137 பேரை, ஆயுதந்தரித்த தாக்குதலாளிகள் கடந்த ஞாயிற்றுக்கிழமை கொன்றதாக, அந்நாட்டு அரசாங்கம் தெரிவித்துள்ளது.

பிற்பகல் வேளையில் தாக்குதலை நடத்திய அடையாளங்காணப்படாத தாக்குதலாளிகள், மாலியுடன் எல்லையைக் கொண்டுள்ள தஹுவாவிலுள்ள மூன்று கிராமங்களையும், ஏனைய குக்கிராமங்களையும் தாக்கியதாக, அரசாங்கம் நேற்று தெரிவித்துள்ளது.

முன்னதாக, 60 பேரளவிலேயே கொல்லப்பட்டதாக உள்ளூர் அதிகாரிகள் மதிப்பிட்டிருந்தனர்.

இத்தாக்குதலுக்கு ஐ.எஸ்.ஐ.எஸ் ஆயுதக்குழுவை பாதுகாப்புத் தகவல் மூலம் சாடியிருந்தது.