காலியில் 46 வீடுகள் சேதம்

காலி மாவட்டத்தில் நேற்று (22) பெய்த கடும் மழையின் காரணமாக, 7 பிரதேச செயலகங்களைச் சேர்ந்த, 861 பேர் பாதிக்கப்பட்டுள்ளனரென, காலி மாவட்ட அனர்த்த முகாமைத்துவப் பிரிவு தெரிவித்துள்ளது.

வௌ்ளம் காரணமாக 5 வீடுகள் முழுமையாக சேதமடைந்துள்ளதுடன், 41 வீடுகள் பகுதியளவில் சேதமடைந்துள்ளதாக தெரிவிக்கப்படுகிறது.

பொல்லத்து மோதர ஆறு பெருக்கெடுத்ததன் காரணமாக, இந்த அனர்த்தம் இடம்பெற்றுள்ளதாக தெரிவிக்கப்படுகிறது.

பாதிக்கப்பட்ட மக்களுக்கு விரைவில் நிவாரணம் வழங்க நடவடிக்கை எடுத்துள்ளதாக, அனர்த்த முகாமைத்துவப் பிரிவு தெரிவித்துள்ளது.