தபால் ஊழியர்களின் பணிப்புறக்கணிப்பு நிறைவு

தமது கோரிக்கைகளுக்கு தீர்வினை பெற்றுக்கொடுப்பதற்கு விடயத்துக்கு பொறுப்பான அமைச்சு இணக்கம் வெளியிட்டுள்ளதாக ஒன்றிணைந்த தபால் தொழிற்சங்க முன்னணி தெரிவித்துள்ளது.

இதனையடுத்து, கடந்த 16ஆம் திகதி பிற்பகல் 4 மணி முதல் முன்னெடுக்கப்பட்டு வரும் பணிப்புறக்கணிப்பினை நேற்று இரவு 8 மணியுடன் கைவிட்டுள்ளதாக முன்னணியின் ஏற்பாட்டாளர் சிந்தக பண்டார தெரிவித்துள்ளார்.

தமது கோரிக்கைகள் தொடர்பில் தபால் மற்றும் முஸ்லிம் விவகார அமைச்சர் எம்.எச்.எம்.ஹலிம் மற்றும் தபால் மா அதிபர் ரஞ்சித் ஆரியரத்ன ஆகியோருடன்  நேற்று பிற்பகல் பேச்சுவார்த்தை முன்னெடுக்கப்பட்டதாகவும் அவர் கூறியுள்ளார்.