’தேர்தல் முறையில் திருத்தத்தை மேற்கொள்ள ஒத்துழைப்பு வழங்குக’

மாகாண சபைத் தேர்தல் முறைமையில் திருத்தத்தை மேற்கொள்ள, சகல கட்சிகளும் எதிர்வரும் 24 ஆம் திகதியன்று  ஒத்துழைப்பு வழங்க வேண்டுமென ஸ்ரீலங்கா சுதந்திர கட்சி கேட்டுக்கொண்டுள்ளது.

எனினும், மாகாண சபைகளுக்கான தேர்தலை, புதிய முறைமையிலேயே நடத்த வேண்டுமென்ற நிலைப்பாட்டிலேயே தாம் இருப்பதாகவும்  அக்கட்சியின் தேசிய அமைப்பாளரும், அமைச்சருமான துமிந்த திசாநாயக்க தெரிவித்தார்.

கொழும்பிலுள்ள மகாவலி மத்திய நிலையத்தில் இன்று நடைபெற்ற ஊடகவியலாளர் சந்திப்பில் கலந்துகொண்டு கருத்துரைக்கும்போதே அவர் இதனை தெரிவித்தார்.

இதன்போது மேலும் தெரிவித்த அவர், நாட்டிலுள்ள கட்சிகள், தங்களின் தனிப்பட்ட நலன்களுக்காக, புதிய தேர்தலை முறை சரியில்லை என்று கூறுவதைவிடுத்து, அதனை மாற்றியமைக்க முன்வர வேண்டும் எனவும் அவர் கூறினார்.