நீரில் மூழ்கி பெண் பலி

கினிகத்தென்ன – யடிபேரிய பிரதேசத்தில்  களனி கங்கையில் மூழ்கி பெண் ஒருவர் உயிரிழந்துள்ளார்.

கண்டியிலிருந்து தனது குடும்பத்தாருடன் சுற்றுலாவுக்காக வந்திருந்த, 24 வயதுடைய குறித்த பெண்ணே இவ்வாறு நீரில் மூழ்கி உயிரிழந்துள்ளார்.

இன்று பிற்பகல் 1.30 மணியளவில் களனி கங்கையில் நீராடி கொண்டிருந்த வேளையில், குறித்த பெண் திடீரென காணாமல் போனதையடுத்து, அருகிலுள்ள பிரதேசவாசிகளின் உதவியுடன் தேடல் பணிகள் இடம்பெற்றது.

அவர் நீராடிய இடத்திலிருந்து சற்று தொலைவிலிருந்து, அவரது சடலம் மீட்கப்பட்டதாகத் தெரிவிக்கப்பட்டுள்ளது.