பஸ் கட்டணத்தை 5 சதவீதத்தால் அதிகரிக்க நடவடிக்கை

எரிபொருள் விலையின் அதிகரிப்பைத் தொடர்ந்து, பஸ் கட்டணத்தை 5 சதவீதம் அதிகரிப்பது குறித்து, அரசாங்கம் அவதானம் செலுத்தியுள்ளது.

இரண்டு மாதங்களுக்குள் எரிபொருள் விலை அதிகரிப்பின் கீழ் பஸ் கட்டண செலவுகள் 4.5 சதவீதமாக, அதிகரித்துள்ளதைக் கவனத்தில் கொண்டே இந்தத் தீர்மானம் எடுக்கப்பட்டுள்ளது.

எனினும்,குறைந்த பஸ் கட்டணமான, 12 ரூபாயில் எவ்வித மாற்றமும் செய்யப்படாதெனவும், அரசாங்கம் தெரிவித்துள்ள நிலையில், இன்றைய தினம் பஸ் சங்கத்துக்கும் போக்குவரத்து அமைச்சின் செயலாளருக்கும் இடையில், இடம்பெறவுள்ள கலந்துரையாடலில், இந்த யோசனைக் குறித்து இறுதி தீர்மானம் எடுக்கப்படவுள்ளதாகத் தெரிவிக்கப்பட்டுள்ளது