போதையில் வாகனத்தை செலுத்திய முன்னாள் நீதிபதி கைது

அநுராதபுரம்-வாரியபொல பிரதான வீதியின் மினுவாங்கொடை பிரதேசத்தில் போதையில் வாகனம் செலுத்திய குற்றச்சாட்டில் முன்னாள் மேல்நீதிமன்ற நீதிபதி ஒருவர் கைதுசெய்யப்பட்டுள்ளார்.

குருநாகல் மேல்நீதிமன்றத்தின் முன்னாள் நீதிபதியே இவ்வாறு கைதுசெய்யப்பட்டுள்ளதுடன், இவரை விளக்கமறியலில் வைக்குமாறு குருநாகல் பதில் நீதிவான் நீதிபதி ஜயபிரேம பீ. தென்னக்கோன் ​நேற்று (20) உத்தரவிட்டுள்ளார்.

சந்தேகநபரான முன்னாள் நீதிபதி செலுத்திய வாகனம் நேற்று  (20) விபத்துக்குள்ளானதில் மோட்டார் சைக்கிளில் பயணித்துக்கொண்டிருந்த 35 வயதான பெண்ணும், அவரது 12 வயதான மகளும் கடுங் காயங்களுக்குள்ளாகியதாக வாரிய​பொல பொலிஸார் தெரிவித்துள்ளனர்.