மன்னார் கடற்கரையில் இந்தியக் கழிவுகள்

தலைமன்னார், மன்னார் மற்றும் பூநகரி ஆகிய கடற்கரைப் பகுதிகளில், இந்தியக் கழிவுகள் கரையொதுங்கியுள்ளதாகவும், இதனால் பாரியளவில் மீன்கள் உயிரிழக்க நேரிடுவதுடன், சுற்றுச் சூழல் பிரச்சினைகளை எதிர்நோக்க வேண்டி ஏற்பட்டுள்ளதாகவும் மன்னார் மீனவர்கள் தெரிவிக்கின்றனர்.

இதற்கு முன்னர், இவ்வாறு புத்தளம் கடற்பரப்பிலும் இத்தகைய கழிவுகள் கரையொதுங்கியிருந்தன. இதனால் கடற்கரைக்கு செல்ல முடியாத நிலை காணப்படுவதுடன், தங்களது வாழ்வாதாரம் பாதிக்கப்படும் எனவும் மீனவர்கள் அச்சம் தெரிவிக்கின்றனர்.

இதேவேளை, கடல்வள சுற்றுச்சூழல் பாதுகாப்பு அதிகார சபை, இன்று (20) இவ்வாறு கரையொழுங்கியிருக்கும் இந்தியக் கழிவுகள் தொடர்பில் விசேட சோதனை நடவடிக்கைகளை முன்னெடுக்கவுள்ளது.

அத்துடன் பிளாஸ்ரிக் உள்ளிட்ட குறித்த மருத்துவக் கழிவுகளுக்கு உரித்துடைய நிறுவனம் தொடர்பிலும் ஆராய, கடல்வள சுற்றுச்சூழல் பாதுகாப்பு அதிகார சபை நடவடிக்கை எடுத்துள்ளமை குறிப்பிடத்தக்கது.