முதன்முறையாக இலங்கைக்கு வந்த ஜப்பான் பாதுகாப்பு அமைச்சர்

ஜப்பான் பாதுகாப்பு அமைச்சர் இட்சுனோரி ஒனோடெரா நேற்றிரவு கட்டுநாயக்க விமானநிலையத்தை வந்தடைந்துள்ளார்.

மூன்று நாட்கள் உத்தியோகப்பூர்வ விஜயமாக இலங்கைக்கு வந்திருக்கும் அவர், ஜனாதிபதி மைத்திரிபால சிறிசேன மற்றும் பாதுகாப்பு இராஜாங்க அமைச்சர் ருவான் விஜேவர்தன ஆகியோரை சந்தித்து முக்கியப் பேச்சுவார்த்தைகளில் ஈடுப்பட உள்ளார்.

ஜப்பானிலிருந்து பாதுகாப்பு அமைச்சர் ஒருவர் இலங்கைக்கு வருகை தந்திருப்பது இதுவே முதன்முறை என்பது குறிப்பிடத்தக்கது.

இதேவேளை, ஜப்பானிய போர் கப்பல் ஒன்று நேற்று திருகோணமலை துறைமுகத்தை வந்தடைந்துள்ளது. மூன்று நாட்கள் நல்லெண்ண அடிப்படையில் இந்த கப்பல் இலங்கைக்கு வந்தள்ளது.